دوك .. الحقيقه وأفهمينـي .. فارقـيّ يـا آدميّـه
خلّي .. أبوجهك .؟ حيا وأرجوك حلّي عن سمايا
أنتهى .. عصر الغـرام بقيـس وليلـى العامريّـه
وأبتدى وقت الخيانه .. وأنتي وأمثالك ضحايـا
الليـالـي علمتـنـي .. والسـلـوم الحنبـلـيّـه
مثلك .. أضعيفة عقل وعقل مثلـي بـه مزايـا
ناقصـة ديـن وفهامـه ميّتـه والنـاس حـيّـه
ضايعـه بـأول حياتـك .. وانتهيتـي بالبدايـا
التكبـر مـن صفاتـك والطـبـاع النرجسّـيـه
والسذاجه والغرور .. وهمـك الأكبـر مرايـا
تعشقيـن اللـي يهيـنـك أو يـوريـك الأذيّــه
ومن وفالك تكرهينه .. باغضه صـدق النوايـا
ماتعرفيـن المحـبـه خايـنـه منـتـي وفـيّـه
وأن وفيتـي كاذبـه !! وربـي أعلـم بالخفايـا
أعترفلك ! مـن عرفتـك ! ماعشقتـك ! ياغبيّـه
كيف أحبك وأعشقك وأنتي كذا ؟ كلـك خطايـا
أعرفيني .. قبل أعرفك شايـف هالاشكـال ميّـه
لكن أني ماتأثر فـي حسـن بعـض .. الصبايـا
أعذرينـي عـن غرامـك .. وأتركينـي يابنّيـه
وأسمحيلـي ماتشـرف أنـك تكونـي هـوايـا
ما أخون أن كان خنتـي شامـخ ونفسـي زهيّـه
أستري نفسـك وروحـي وأكتفـي هـذا كفايـا
أذبحيني . وأحرقي قلـب ٍ رفـض طعنـة خويّـه
وأدفنينـي بالحيـا أرحـم .. ولايظهـر رديـا
شاعر ٍ وأجهل مصيري .. وأعرف الدنيـا ردّيـه
دوك نصفي . دوك كلي . لمّـي آهاتـي معايـا
وش تبين ؟؟ أخذي .. وردي باقي أجروحي عليّـه
وأتركيني للرحيـل أجمـع شتاتـي مـع عنايـا
دوك جرحي .. دوك حزني .. دوك همّي والخطيّه
دوك جابر .. والذنوب ودوك أبطـال الروايـا
دوك دمي والطعون .. ودوك كبّـدي فـي يديّـه
دوك موتي والحيـاة اللـي تفنـن فـي بكايـا
دوك دربـي مـن سريتـه .. والليالـي سرمّديـه
دوك نار ٍ تشتعل فـي وسـط جوفـي بالحنايـا
دوك شعـري .. يعترفلـك بالحـروف الأبجدّيـه
من مشيت العمر أدري مـن نهايـا فـي نهايـا
حاتميّـه .. هالليالـي .. فـي عذابـي حاتمـيّـه
ألف خنجر .. وسط صدري وألف رمح ٍ في قفايا
لاتغـرّك ضحكتـي فـي ذمتـي .. هـم وأسّيـه
أضحك أقبال البشر والنار تآكـل فـي حشايـا
سـوّد الله وجـه حظـي !! بالشقـا مافيـه زيّـه
وسوّد الله وجهك أنتي يوم زدتـي فـي شقايـا
الإثنين فبراير 09, 2009 8:02 pm
